Xquiapa’ diidxaguie’

Xi gu’nu’

Xi naca zeeda ca diidxaguie’ di’ lu Meridiano 105

Xquiapadiidxa’ di’ guya’ chaahui’ ni ti qui gaca chandxa miati’ ra gu’da’ ni ca lu ni, zaqueca biyubini guchaani caadxi sicagá ma biaa binni gun’da’ ti xquiapadiidxa’, ra jmá risaca diidxa’ ni gucuáni lu ne cadi ca diidxa’ ni bibi’xhi’ ni, xisi nga ruyubi gusisaca ca diidxa’ dxu’ ne guxhatañee ca diidxa’ huala’dxi’.

Ya, laadu cuyubidu, ne ca dxiiña’ di’ gucha’ du’ sica gun’da’ binni ti diidxa’ bibi’xhi’ lu xti diidxa’, pacaa lu xcaadxi diidxa’, ti qui gaca chandxa ra tidi’ lu ti diidxa’ ne xti diidxa’, ngue runi be’za’ diidxa’ biza’ Meridiano 105 rala’dxi’ guchaa xquendabiaani’ guira’ ni biaa binni.

XI NACA GUIQUIIÑU’ NI ZEEDA RARI’

Ca diidxa’ cá ra ruzulu xquiapadiidxa’ racá zeeda guira’ xixe’ diidxa’ zeeda lu ni. Lá ca diidxa’ guie’ di’ zeedaca’ lu diidxa’ ni gucuá ca’ ne nexhe’ chaahui’ dechecadeche diidxa’. Naquiiñe’ quielu’ ra cá lá diidxaguie’ chu’ la’dxu’ ti ganda gun’da’lu ni. Zaqueca, nuu ti xilate ra zeeda guiraxixe’ diidxa’ ni bibi’xhi’ca diidxaguie’ ca lu.

Ca bandá’ huiini’ ni die’ rini’ ca’ xipendi’ diidxa’ ni gucuáni lu, xi diidxa’ bibi’xhi’ni lu ne zanda gunda’lu’ ni, ca pa laaca gubeedxe’ ni bicaani bitiixhi ni lu xti diidxa’ ne xi diidxa’ derupe’ cabi’xhi’ lu gadxé diidxa’.

XI NACA GUN’DA’LU’ CA DIIDXAGUIE’

Pa ma biyubu’ diidxaguie’ biuula’dxu’, laaca laani chinéni lii ra zeeda ni. Zuuyu’ lá si diidxaguie’ di’ zeeda, ne xaguete ra ca ni, zeeda chupa neza diidxa’ ra cá guiraxixe’ diidxa’ zeedani lu (dechecadeche diidxa’ nexhe’ chaahui’ ca ni). Biyubi diidxaguie’ nuulu’ gun’dalu’, ne gudié ra cá diidxa’ ni racala’dxu’ gun’dalu’ ni lu. Lu guiropa’ ndaga diidxa’ ca zanda gun’dalu’ maca chupa diidxa’. Laaca zanda gun’dalu’ ni lu diidxa’ ná’ ladxido’lo’, sicatiisi na la’dxi’lu’, ne guguuchalu’ ne guchaalu’ ne gun’dalu’ bia’ nalu’.

Pa nuu peou’ gannu guna nga diidxa’ ni gucuáni lu, gudiési ra zeeda diidxa’ ca xaguete’ ra ca lá gunaahueza’ diidxa’ bicaani. (Laaca zanda cheu’ ra zeeda guiraxixe’ diidxa’ cului’ lii ni zeeda lu ni, ra ruzulu xquiapadiidxa’ di’).

Zaqueca, pa quieu’ ra cá lá gunaa bicaa diidxa’ di’, zaxele xti xilate ra zeeda tu laabe, pa neza zeedabe, xi diidxa’ huala’dxi’ rini’be.

Xaguete’ ra zeeda ti diidxa’ laaca zeeda lá gunaa ni bitiixhi ni lu gadxé diidxa’. Pa quieu’ rari’ la?, zaxele’ ti xilate ra zeeda guira’ ni naquiiñe’ gannu de laabe, ne zaqueca zeeda pa xilaa bicaa ra bitiixhibe diidxa’ di’ lu xti diidxa’ (nuu ra cadi zeeda di’ guira’ ndi’).

Nuu diidxaguie’ di’ néca ti ra zanda gucaadia’gu’ pacaa gu’yu’ laa. Pa zeeda ni la?, zuuyu cou’ ni gului’ lii pa neza zanda gunadia’gu’ pacaa gu’yu’ ni.

Texto origen | Traducción propia | Traducción | Traducción pendiente