ADRIANA LÓPEZ
Ti’al leti’e’ ba’ax ku taal u ye’es le ik’il ts’íib je’elo’.
Presenciase’ ku ya’alik tu’ux in taal, máaxen, ku ye’esik bixen. U chíikul u ts’u’ in moots, tin ts’íibtaj tu k’aaba’ tseltalo’ob, ikil in wu’uyik u ki’il ba’axo’ob ku kuxkíintiko’ob, ku taal u jel beetpajalo’ob tin t’aan, u k’atmajo’ob in k’aaba’ yéetel u chakp’ose’enil u k’i’ik’elo’ob.
Yóok’ol ba’ax yaan ichil u t’aan (tseltal) yéetel le ik’il ts’íibo’.
Ik’il ts’íibe’ ku máan lank’ajal ti’ in t’aan (tseltal), tumen ma’ chéen jump’éel bix in wa’alik tu’ux in taali’, ma’, jump’éel xan bix in nojbe’enkúuntik u jeejeláas boonilo’ob in k’ajla’ayil. Jump’éel bix in patik u jeejeláasil bix in wantal wáatu’ux, in ki’ikunmaj yéetel ik’il t’aanil. Ik’il ts’íib ichil in t’aane’ ku beetik u yaabilta’al u ki’ibokil le t’aano’ob ku síijil tin puksi’ik’al ku bin u tsikbal tin wéetelo’. Ik’il ts’íibe’ ku bonik le t’aano’, le t’aan xano’ ti’ u jáapik u yiitse’ ku bin u patik le ik’il ts’íibo’.