Le je’ela’ u kúuchil Meridiano 105º, tu’ux yaan u yik’il ts’íib ko’olelo’ob ichil u máasewáal t’aanilo’ob México yéetel Canadá. U tuukulile’ u k’i’itbesik le ik’il ts’íiba’ yéetel u béeykunsik u yutsil tukla’al le t’aano’, ch’i’ibalil, k’ajla’ayil, bey xan u sutk’esaj t’aanil le kaajo’ob pech’a’antak ka’ach úuchilo’.

U k’aaba’ le múuch’ ts’íibo’oba’ ti’ u taal ti’ le t’o’ol bej siinil tu xamanil Américao’, bey jump’éel u baakel u ts’u’ yóok’ol kaab ku nutsik Canadá yéetel Méxicoe’.